سقى الله يوم كنت اضحك|( وبالي )| مستريح البال!

يا شـيـنـهـــا دمـعـة على خـد رجـال=دمعــة شكت ضيم الزمان وطعونه
دمـعـة صـدى حرمـان ما تستر الحـال=طاحت على خدي وشفت المهونه
شـفـت القــهر والظلم من زود الاهوال=مثل الذي بالضيـق كثـرة ديـونـه
لـي فـي دروب الحــزن مجلس ومقيال=وغيما تحدر مـن عيونـي مزونـه
اسـمع انين الجــرح في القـلب ما زال=حتى النظـر تثقـل عليـه جـفونـه
لقيــت صمتـي خيــر مـن بعض الاقوال=ما دام مبدأ الصـدق مـا يفهمونـه
ان عاش راسـي بارفعه وألبـس عقــال=وان مات راسي بالشرف يدفنونه