حلقات عن حياة الرسول صلى الله عليه وسلم

.،؛،. .،؛،. .،؛،.

ودنا بالطيب بس الزمن جحاد طيب = كل ماتخلص مع الناس كنك تغشها
يدك لامدت وفاء لاتحرى وش تجيب = كان جاتك سالمه حب يدك وخشها
وكل ماشبيت نار المحبه مع حبيب = قام يسحل في مشاهيبها ويرشها
وكل ماواجهت لك فـ الزمن وجه غريب = مثل ماقال المثل دام تمشي مشها

الله خلق لي نفس تسمو عن البوح=ما هي لضاقت من الهم باحت
على ما شفت ضيقات وجروح=الوجه ما تغير ولا العين صاحت
أبشرك بشارة الروح للروح=تبي تطيحني الليالي وطاحت
هذا أنا والوجه باسم ومشروح=وجها ً بروقه لاظما الناس لاحت
كم محزنن بنى على شوفه أصروح=وكم نفسا ً من طارف عطاه أستراحت
الله وهبنا عز و أمجاد وطموح=وذكرا ً على جدران الأيام ناحت
هذي مراجل مهب ضحك ومزوح=ما هي شموع لضوى الصبح ساحت
الصفح خصلة والفخر ما له سطوح=والحزن لسيطر على الروح ناحت
بعض الجروح تجي لك شوي وتروح=وبعض الجروح إن جات ما عاد راحت