نبات الأمل
Posted 07-28-2010 at 09:12 PM by السامر
| سبحان فالق الحجر مجري القلم بالكتابه |
| خالق حوا بالجمال من صلب عوج الظلوع |
| والحمد له اسقاني عقب الضما عذب السحابه |
| مطعمني بعد ما صاح جوفي من الجوع |
| اشرقت شمسي وانجلت من عيني شووه الضبابه |
| حبيبه اجمعت في شخصها كل الاهل والربوع |
| عقب غابت وظنيت العمر قرب موعد حسابه |
| في غيابه شفت المستقبل معناه التقدم رجوع |
| تذكرت صوت الحزن بترانيم خيط الربابه |
| كني اللي غنيت صوت الفرح حزن بلا طوع |
| كان أجمل متعتي ضحكته في وقت عتابه |
| وكانت منيتي شوفته وعيني تعلن الخضوع |
| لا عليها لوم هي الملك اللي سواله اجابه |
| وهي الجمال اللي جمع الغرام بحلو الطبوع |
| لا تمردت اوافترت اشوفها أم(ن) حبابه |
| كن الرضا جا لظلمها وعدلها محتمي ومفزوع |
| يا صاحبي لا تغيب قلبي صارت جنته عذابه |
| صار الامل من دون رجاك جبل مخلوع |
| جمّعت انفاسي لهفه و لك قدمتها اذابه |
| ابغاها في انفساك احساس .. وعلى خدك تموع |
| هليت في شوفتك بسمتي بكل صلابه |
| حتى صار اجمل الكلام عذب الدموع |
| ارسلت طيفي يخدم اشارة ابهامك والسبابه |
| حتى صارت رمشات عينك له امر مسموع |
| يا صاحبي هذا قلبي ازهرت اجود اعشابه |
| كن حبك نبات الامل انغرس و صار مزروع |
| ابرحل يم ارضك قوتي حبك و رامي باقي زهابه |
| ساعي باجتهادي بكل شكل و كيف و نوع |
| ما يسبقني لك من يركض فوق مطيه او مركابه |
| انا سابقهم كني على كفوف السحايب مرفوع |
| لو لمحت في السما قمر بيتك أرجوك صك بابه |
| نور القمر بشروقي يصير شمع منزوع |
Total Comments 1
Comments
-
هلا السامر
رااائع استمتعت بين كل حرف
قلمك مميز وشعرك جذااب
سلم قلمك نابض
تحياااتيPosted 07-28-2010 at 11:55 PM by القلب الخفوق
