|
|
|
|
 |
 |
 |  |  |  | ||
| ||||||||||
| ||||||||||
| ||||||||||
| مجلـس الديكور والأعمـال اليدوية مجلس يختص بمتابعة كل ما هو جديد في عالم الديكور والأعمال اليدوية .. و تنمية مواهب الأعضاء في ذلك . |
 |
| | LinkBack | أدوات الموضوع | طريقة العرض |
|
#1
06-25-2009, 02:56 PM
| ||||
| ||||
| افكار روووووووووووووووووووووووع ه للمنزل [frame="7 70"] افكار منزليه روووووووووووووعه -------------------------------------------------------------------------------- السلام عليكم ورحمة الله وبركاته افكار منزليه رووووووووووووووعه عجبتني حبيت انقلها لكم ان شاءالله تعجبكم أولا : القصدير بعد ما اخلص تنظيف المطبخ وامسح فوق الثلاجه وفوق الدواليب كل اسبوع واسبوع بعد اسبوع كنت اتعب من تراكم الغبار فوق الارفف والاماكن العاليه فوق دواليب المطبخ استخدمت القصدير لتغطية هذه الاماكن وفعلا ارتحت صرت انظف الاماكن العاليه اسبوعين مره وحده ازيل القصدير المغبر والي عالقه عليه تراكمات الدهون واحط قصدير جديد وافتكيت من الدعك ورش الصابون المفاجأه بأستخدامي للقصدير على الاماكن المرتفعه اني لاحظت ان مطبخي صار فيه اضاءه اضافيه بسبب انعكاس ضوء الانوار بالقصدير وعن جد صار المكان منور حتى بالنهار :: ثانيا:: الكل كان بالفتره الاخيره يتكلم عن تعطير البيت وقت التنظيف بداوني او كمفورت انا عن نفسي لما تتصل فيني جارتي الي ماتبعد عن بيتي الا خطوات وتقول ابي زروك فما بيكون عندي وقت اني ابخر او اعطر البيت فطريقتي اني اخذ فوطه مبلله واحط فيها من داوني الازرق وادخله جزء منه في المكيف علشان يتعلق واشغل المكيف وريحة البيت كلها تصير وااااااااو وما قدرت تمسك نفسها سئلتني شنو هالريحه الحلوه ؟؟؟ أما دواليب الملابس لأطفالي ولي لزوجي اخذ دفاتر قديمه عندي بعد ما اتأكد ان ما فيه اسم الله وانقعهم في طشت فيه ماء ودوني الين ما ينشفط كل الماي بأوراق الدفاتر وعلى طول احطهم بالدواليب وكل ما افتح الدواليب والله الريحه تكون ماليه الثياب كأني توني مغسلتهم من اليوم ورايح لا تقطون الدفاتر القديمه ثالثا :: نعناع جبتي حزم من النعناع ومو عارفه شنو تسوين فيهم بعد ما كان عندك عزومه وضفتيه لشاي ضيوفك والباقي لسه منه كثير غسليه واقطفي الاوراق وخليه ينشف في صحن نظيف بالمطبخ لمدة 24 ساعه وصدقيني ان زوجك راح يسئلك ريحة المطبخ منعشه بعد ما ينشف شوفيه اذا صار يتكسر اقصد يقرمش معناته ان خلاص تقدرين تحفظينه بكيس نظيف او بعلب بلاستيكيه .... انا عن نفسي لما اسوي على العشاء دجاج مقلي اسوي معه روب بالخيار واخذ اشوي من النعناع واقرمشه بيدي على الروب بالخيار واخلطه بعدين مع بعض وشوفي كيف راح يكون الطعم عن جد روعه حتى السلطه للغداء قرمشي اشوي على السلطه واخلطي عن جد محد راح يعرف سر هالطعم الحلو لأن ما بيكون باين النعناع بالخلطه .... رابعا : أكياس السندويشات عن جد ما اقدر استغني عنهم مو بس لأطفالي للمدارس صرت احب التخزين بسبب هالاكياس الي ممكن تتسكر بالضغط وما يدخل فيها هواء وعندي خلطه حلوه اسويها اجيب كارتون كامل من الطمام وكيس كامل من الثوم وثلاث قطع من الزنجبيل الطازج وكم حبه على حسب الرغبه فلفل اخضر حار وكلهم افرمهم مع بعض واعبي الاكياس واضغط عليه الين ما يطلع كل الهواء واسكر الكيس بمجرد اني اضغط على الحواف واصفطهم كيس فوق كيس في الفريزر مع البصل وبكذا خلطتي للكبسه او الصالونه او المعكرونه جاهزه وما علي الا اني اسخن الزيت واحطه فيه وكل شي جاهز عندي وما عدت اضيع وقتي بالطبخ ... خامسا: أكياس القمامه السوداء لما يكون عندي ثياب للتخزين او مفارش للسرير ابي اخزنهم احطهم بالكيس لكن كان عندي مشكله انهم كانو ياخذون حيز كبير بالدواليب وبالمخزن وبكذا كنت استخدم المكنسه بعد ما ألم فتحه الكيس بأيدي احط فوهة المكنسه فيه وشفط كل الهواء ويتقلص حجمه لدرجه ما تتخيلونه وبعد ما انتهي انتبه لفتحة الكيس اني اسكره بالاستيك على طول قبل ما يدخل فيه الهواء مره ثانيه وبكذا قدرت اني اوفر مكان بالدواليب . وقت الصيف نسافر انا واطفالي وزوجي اسوي نفس الشي لثيابنا قبل ما اخليها بالشنطه وايضا اوفر حيز كبير لباقي الاغراض الي باخذهم معي لكن كانت المشكله ان بعد ما نبي نرجع اكيد ما بنحصل على مكنسه بالفندق علشان نشفط بس ما عليكم شفت الحل اني مسكت الكيس من نهايته وقعدت اضغط عليه والفه مثل الورق عنب وآخر شي اخلي احد من عيالي يقعد عليه علشان تعبي ما يضيع واسكر الكيس ويعطيني نفس نتيجة الانكماش ولاحظة ان الملابس لما اكويها للسفر بعد ما شفطت الهواء ما تتكرفس وتبقى مرتبه ... سادسا : تبين تصيرين مثل القشطه ما يبي لها ذكاء استخدمي قناع القشطه احيانا يبقى اشوي بالعلبه وقت ما نبي نسوي الحلويات او وقت الطبخ ما في مانع انك تمسحين على وجهك تمتعي حبيبتي وخلي وجهك مثل القشطه نعومه وبياض والي لاحظته ان القشطه فيها شي غريب عن باقي الاقنعه للوجه انها قناع مبيض وبنفس الوقت مرطب يعني ما يحتاج تستخدمين كريم لوجهك بعد القناع والسبب الدسم الموجود به هو المرطب الطبيعي لوجهك سابعا : عندي طريقه احب اني ابهر فيها ضيوفي واحيانا يقلبون استكانة الشاي ويبحلقون فيها يمين شمال يبون يعرفون شسالفه السالفه وما فيها اني اسوي الشاي طبقتين يعني الشاي فوق والماي تحت والطريقه سهله سوي شاي عادي بس يكون ثقيل يعني قللي الماي المستخدم للشاي وصبيه بالاستكانه الي عندك وبعدين هاتي ماي مغلي وصبيه بالملعقه بكل نعومه وبكذا بيكون عندك طبقتين طبقه شاي وطبقه ماي وبعد ما تقدمين السكر لضيوفك راح يحركونه بالشاي ويصير كأنه الشاي العادي ان شاء الله تجربونه ويضبط معكم وتبهرون ضيوفك بالحركه هذي ... ثامنا : آآآآآآآآآآآآآآآه من الخواتم كثير منا ما يعرف كيف يحتفظ بخواتمه من غير ما يطيح منه فص او ينخدش مع باقي الاكسسوارات ... طريقتي اني جبت كل العلب الي كنت احتفظ فيهم وقت ما اشتري الخاتم مثل الصوره اطلع الحشوه الي فيها الي فيها مكان لتثبيت الخاتم ..وقصيته بشكل مربعات ... وخذيت مسدس الصمغ ولصقتهم مع بعض علشان يصيرون كلهم مع بعض وجبت العلب الفاضيه للهدايا او علبة الاحذيه ممكن تستخدمينها بعد ما تزينيها وثبتها فيه ... وبكذا صار عندي علبة الخواتم وكل خاتم مكانه ثابت ولا راح اخاف عليهم ولا اقعد ادور بين العلب عن خاتم يناسب فستاني ... تاسعا :: حبيباتي كثير منا عنده اكياس الخاليه من مشترياتنا ومسويه حوسه بالمطبخ انا دائما اذا ابي اغير شنطتي على طول اشحنها بالكيس قبل ما ارجعها للدولاب علشان تظل شكلها جديده ومليانه دائما ما فيها تجاعيد نرجع للأكياس الي مسويه حوسه بالادراج وكثير منا يبي يطلع له كيس يطلع معاه العشرات ههههه انا طريقتي اني اصفطهم مثل السنبوسه مثلا اسوي سنبوسه بحجم كبير بعدين اسويه متوسط وبعدين صغير الين ما الفه بشكل حلو .. وبكذا دائما درج الاكياس مرتب وحلو ولما امد يدي ابي اطلع كيس ما راح الاقي الاكياس الباقيه طالعه وشكلها وووو عاشرا :: لاحظت ان الجزر لما تقشرينه وتحتفظين فيه بالثلاجه كالعاده ما يذبل .... كثير منا عائلته صغيره ويفضل الجزر عندنا مدة اسبوع ولما نحتاج له نشوفه لين وما يسوى حتى نسويه بالسلطه ,, جربو وقولو لي رايكم ... احدى عشر :: واخيرا لازم بموضوعي يكون فيه نصيب للأطفال على الاقل في الاسبوع مره وحده افرش لهم بالحديقه ونلون المحار ونطبع اوراق النباتات على الورق ونستمتع مع بعض جربو مع اطفالكم واكيد بتقضون وقت ممتع مع بعض او اشغليهم بهذا النشاط وقت انشغالك بتنظيف البيت ... اذا الموضوع اعجبكم اسعدوني بردودكم هدب عيني مـ/ن[/frame] ܓܨ
 |
|
06-25-2009, 03:43 PM
| #2 | ||
| مراقبة عامــه   | الله يعطيك العافيه وسلمت يمينك تقبلي طلتي
| ||
| |
|
06-25-2009, 04:22 PM
| #3 | ||
| عربي قوي جدا   الدولة:  قوة التقييم: 5  | يعطيك الف عافيه هدووبه متميزه بمواضيعك دائما تحياتي
| ||
|
| |
|
07-01-2009, 01:41 AM
| #5 | ||
| مشرفة عــامــه  | [لا يسمح للزوار بمشاهدة الروابط. اضغط هنـا للتسجيل...] موضوع وافكار رائعة هدب الله يعطيك العافية دمتي بود يالغلا : بجميــل العطــاء يزين اللقـــاء : [لا يسمح للزوار بمشاهدة الروابط. اضغط هنـا للتسجيل...] [لا يسمح للزوار بمشاهدة الروابط. اضغط هنـا للتسجيل...]
| ||
|
| |
|
07-04-2009, 01:30 AM
| #7 | ||
| عربي قوي  الدولة:  قوة التقييم: 2 | موضوع وافكار رائعة هدب الله يعطيك الف الف خييير
| ||
|
| |
|
07-04-2009, 01:46 AM
| #8 | ||
| عربي قوي جدا  الدولة:  قوة التقييم: 3 | يسلمو عزيزتى بجد افكار حلوه وخصوصا فكرت الورق اكيد حجربها تقبلى مرورى
| ||
|
| |
|
07-08-2009, 02:43 AM
| #10 | ||
| مراقب المجـالس العامـة  | هدب عيني الله يعطيك العافية على الموضوع القيم والاهداف الرا ئعة كل الشكر لك ايتها الكريمة
| ||
|
| |
|
07-09-2009, 01:38 AM
| #11 | ||
| المشرف العام  الدولة: قوة التقييم: 10 | افكار منزليه روووووووووووووعه فعلا افكار روعة اختي هدب عيني لاهنتي يالنشمية بارك الله فيك وفي جهدك الطيب وحضور الدائم الجميل لاعدمناك تحيتي لك
| ||
|
| |
|
07-31-2009, 09:07 PM
| #13 | ||
| مراقبةً للأقسام الاجتماعية  الدولة: قوة التقييم: 12 | نقل موفق ,, يعطيك العافية غاليتي هدب عيني ,, شاكرة لك هذا الإختيار .., لك مني أجمل تحية أختك *!*شيخة الزين**
| ||
|
| |
|
| الإشارات المرجعية |
| يتصفح الموضوع حالياً: 1 (0 من الأعضاء و 1 من الزوار) | |
| أدوات الموضوع | |
| طريقة العرض | |
| |
|
النمط المتتابع
